Páxina web do cole

Ola de novo!

Nesta entrada quedará recollido o que aprendimos na primeira sesión sobre a Web do Cole. Primeiro de nada, moitas grazas a Rosa pola súa axuda!!!

1. Acceso á páxina

• Recordade que o navegador recomendado para as páxinas da xunta é o Mozilla Firefox.
• Prememos o botón "acceso" e introducimos nome de usuario e contrasinal (se non o lembrades, preguntade, que aquí non o vamos poñer, claro!)

2. Edición do contido da páxina. Botón "CREAR CONTIDO"

Cando creemos contido novo, seleccionaremos "páxina". Aparece automaticamente a ferramenta de edición de textos.

• Título: Sempre hai que poñerlle un título á entrada.
• Ubicación: Especificamos unha ubicación dentro das categorías da páxina. Se só queremos que apareza na páxina principal, non seleccionamos nada aquí.
• Texto: Introducimos o texto da entrada. Recoméndase a creación de táboas para inserir o texto, imaxes, vídeos, etc. máis facilmente. Lembrade que lles podemos cambiar a cor de fondo, combinalas, engadir e eliminar filas e columnas coas ferramentas similares ás do word.
• Imaxes: Prememos o botón que ten unha fotiño e inserimos a imaxe. Podemos usar imaxes xa existentes na páxina, buscar unha imaxe no noso equipo ou pegar a URL dunha imaxe da Internet.
• Enlaces: Podemos insertar enlaces a outras páxinas web nas imaxes que teñamos ou en partes do texto. Para isto, seleccionamos a imaxe ou a palabra que queramos enlazar, prememos o botón que ten unha cadea e aí, copiamos a dirección á que queramos acceder.
• Lembrade seleccionar "Abrir en una ventana nueva".
• Código HTML embebido: Isto utilízase para insertar vídeos (youtube, vimeo...) ou presentacións de imaxes (Photopeach)
• Hai dúas maneiras: O botón específico para insertar obxecto embebido ou copiando o código HTML. Recoméndase o uso de código HTML.
• Tanto en youtube como en photopeach temos a ferramenta de compartir (en photopeach é o lapis), onde atoparemos o código HTML para insertar na nosa entrada. A partires de aí é tan sinxelo como facer "copia e pega"
• Engadir ficheiros adxuntos: Recoméndase utilizar PDF aínda que pode ser calquera tipo de arquivo.
• Na pestana "ficheiros adxuntos" eliximos o noso ficheiro. Podemos publicalo ao final da entrada ou poñer un enlace dende unha palabra ou imaxe (tal e como se explicou no apartado"enlaces"
• Opcións de publicación: Para finalizar, decidiremos cómo queremos publicar a nosa entrada. 
• Si queremos pegala ao principio da páxina seleccionaremos "pegañoso no comezo", pero isto por regla xeral se utiliza para información permanente do centro (como a que está agora)
• Si queremos que figure na portada da web, seleccionamos "promocionar á páxina principal", se non seleccionamos isto, só se incluirá na ubicación elixida ao principio.
• Si non queremos publicala polo motivo que sexa, desmarcamos a cela "publicar" e así quedará como un borrador visible só para nós.

3. Editar entradas xa publicadas ou gardadas.

Si queredes editar información introducida previamente só tedes que buscar na barra de ferramentas da esquerda o botón "Artigos recentes".

Aí atoparedes unha lista dos artigos publicados, tanto os visibles como os borradores, e poderedes editalos premendo no nome do artigo. Fácil e rápido!

Lembrade que podedes preguntar calquera dúbida a través dos comentarios deste blogue ou directamente coas compañeiras/o do grupo de traballo. Saudiños!